එදා මෙදා දුටු සොඳුරුම සිනහව
සැලී දෙතොල් මල් ඉහිරෙන සිනහව
හිතේ අඳුරු මුළු පුරවන සිනහව
දුරින් ඉඳන් දැක සැනසෙන සිනහව
දුරින් ඉඳන් දැක සැනසෙන සිනහව
නිදා වැටෙන ඇස් ඇහැරන සිනහව
එතී වෙළී ගත පැටලෙන සිනහව
අගේ නොකර හිනැහෙන සුදු සිනහව
මගේ නොවන පිවිතුරු මුදු සිනහව
මගේ නොවන පිවිතුරු මුදු සිනහව
සළා දෙබැම හැඩ, නළියන සිනහව
බලා ඉන්න හිත පොරකන සිනහව
නෙලාගන්න බැරි නෙළුමක සිනහව
සදාතනික සිහිනෙකි ඔය සිනහව
No comments:
Post a Comment