Sunday, December 25, 2011

මගෙ හිත...



පොත් පිටු අතර හිරවුනු නෙත් රිදෙනවද
උඳුවප් හීත සියුමැලි ගත            දවනවද
නිදිමත ඇවිත් තනියට       තනි රකිනවද
මගෙ හිත නුඹට ඉඳහිට වත්   දැනෙනවද

Sunday, December 18, 2011

උයනක අන්දරය




වනස්පතී වෘක්ෂයෝ,
අතැර යති මේ උයන..
හිස නමා කීකරුව,
කාලයේ අණසකට..

ටිකෙන් ටික දැවී යයි,
සිඳී  රැඳි තෙතමනය..
උන් නිසා හෙවණ වුනු,
මේ විසල් මහ පොළව..

දළු දමා නැග ඇවිත්,
පුරවන්න ඒ අඩුව..
හැමදාම මුල පිරූ,
යටි වියන පණ අදින..

කතුරු පහරට හසුව,
නොයෙක් හැඩයට කැපුන..
ළපටි ක්‍රෝටන් පඳුරු
ඔහේ හුළඟට වැනෙන..


Thursday, December 15, 2011

හටන



එකිනෙකට එරෙහි වී
හිතේ කවි කල්පනා
යුද වැදුනු කලට
හද බිම ලෙයින් නැහැවුනා
දිනනු බැරි බව දැනත්
සටනටම ඈඳුනා
නැතුව ජය පැරදුමක්
අසරණව මියැදුනා
Related Posts Plugin for WordPress, Blogger...