Saturday, June 30, 2012

නික්ම යන සියොතුනේ..

හික්මී හැඳින සරසවි සෙවනෙහි සිරියා
එක්වී සතුට දුක, සතුටින් විඳ සිටියා
ඉක්මී හෙමින් කාලය කාටත් නොකියා
නික්මී යන්න සැරසෙන දවසත් වැඩියා

කළඹා සිප් සයුරු දැනුමෙහි මුතු අහුලා
ගෙල ලා ඇත ඔබේ මුලු දිවියම ඔප ලා
හඬනා නෙතක ගලනා කඳුලැල් පිසලා
කරනා මෙහෙය සිතසුව දෙනු ඇත පෙරළා

ගයනා තුරා රෑනේ සියොතුන් සින්ඳූ
මැකිලා නොයයි සුමියුරු මතකය රැන්දූ
හමනා සුළඟ සුවඳට බමරුන් කැන්දූ
සැමදා ගෙනෙයි සොහොයුරු පෙම හද රැන්ඳූ

නෙක කම් කටොලු බාදක දිරියෙන් පළවා
විඳ මිස සොඳුරු ලෙස, නැත සිටියේ විඳවා
ලද ඒ සවිය යලි යලි සිහියට කැඳවා
දිනනා හෙට ඔබෙයි, ලොව ජය දද බඳවා

4 comments:

  1. අදමයි අවේ ලස්සනයි මිතුර

    ReplyDelete
  2. ආදරෙන් පිළිගන්නව, සඳ පහන යටට

    ReplyDelete

Related Posts Plugin for WordPress, Blogger...