Wednesday, May 15, 2013

ඔබ ඉන්න තිබුනා



ලා රොස කොපුල් දැක
රොබරෝසියා පොකුරු 
රෝෂයෙන් බිම බලනු
දැක ගන්න තිබුනා

සලා නෙති මිණි සඟල
උදා තුරු පත් තුඩග
දිළිහෙනා පිනි බින්දු
පරදන්න තිබුනා

නේක පැහැ තවරමින්
රැයෙහි දිගු සිහින වල
වගෙම හැබැහින් ලඟින්
දැවටෙන්න තිබුනා

කඳුළු කැට, සිනහ රැළි
එක හිතින් විඳගන්න
මගේ තනි නොතනියට
ඔබ ඉන්න තිබුනා...

3 comments:

Related Posts Plugin for WordPress, Blogger...