Saturday, October 6, 2018

බිතෝවන් එනවා


සියුම් සැතකින් පලා අටකට
සොසේජස් සහ කුකුළු බිජුවට
ඔබා බනිසක බඩේ කොනකට
බිතෝවන්* එනවා ගෙයින් ගෙට


සීනි ඇට තෙත ඇඟේ ඇලවුන
කිඹුල් පැටවුන් අලුත ඉපදුන
කූඩු වීදුරුවට දතින් ඇන
ඉඟිමරා බඩ පොඩිති අඬවන


අට අනූවක් රෝග එන මඟ
ඒත් තනුවට කටට කෙල එන
එලයිස්* - පැව්ලෝ* දෙඅත් පටලන්
කඩුලු ලඟ බලු නගුටු නටවන


“එන්න ලාබයි ගන්න මේවා”
විශ්ව බසෙකින් කෑගසාගෙන
සිම්ෆනික සුවඳක් විදාගෙන
බිතෝවන් යනවා හරෝගෙන



  • බිතෝවන් (Ludvig Van Beethovan ) යනු විශ්ව කීර්තියට පත් බටහිර සංගීතඥයෙකි . ෆර් එලයිස් ( Für Elise) නම් ඔහුගේ අතිශය ජනප්‍රිය සංගීත ඛණ්ඩයයෙන් කොටසක් ලාංකික අපට නිතර දෙවේලේ අසන්නට ලැබේ. ඒ “චූං-පාන්” රථ වල නලා නාදයක් ලෙසිනි.


  • රුසියානු ජාතික විද්වතෙකු වල අයිවන් P. පැව්ලෝ චර්‍යාවන් පිලිබඳව ,සුනඛයින් යොදාගෙන කරන ලද සිය  සුප්‍රසිද්ධ පරීක්ෂණයේදී සීනු නාදයක් ඇසෙන විට අහාර නොමැතිව පවා කෙල වැගිරීම පැහැදිළි කලේ උගත් චර්‍යාවන් පිළිබඳව සාක්ෂියක් ලෙසිනි.

paint by Debra Hurd






2 comments:

  1. මම ලබන අවුරුද්දේ මුලදී සවන අන්තර්ජාල රේඩියෝවට කවි ගැන වැඩසටහනක් කරන්න ඉන්නවා . ඔබේ කවි එමගින් ඉදිරිපත් කිරීමටත් , සංවර්ධනාත්මක ප්‍රතිචාරයක් ( Constructive Feedback )සම්පත් දායකයින් මගින් ලබා දෙන්නත් පුළුවන් . ඔබේ කැමැත්ත සහ අවසරය මගේ විද්යුත් ලිපිනයට එවන්න . වැඩසටහන් ආකෘතිය සහ ඔබේ පුර්ව පිටපත සහ අවසන් පිටපත විද්‍යුත් තැපෑල හරහා බෙදා ගන්නම් . අනුරුද්ධ ......ahasgawwa1@gmail.com

    ReplyDelete
    Replies
    1. ස්තුතියි අනුරුද්ධ, විද්යුත් තැපැල් පණිවිඩයක් එව්වා ඔන්න !

      Delete

Related Posts Plugin for WordPress, Blogger...