ආකහේ නිල් පාට
ගොයම් ළා කොළ පාට
මජං කලු, බුලත් කෙළ
බිම අඳින රතු පාට
තවත් නෙක දැක පුරුදු
පෙට්ටියේ නැති පාට
එකිනෙක මුසුව - වෙන්ව
සියුම් රේඛා අතර
අපිළිවෙළකට ඇඳුන
තවම තෙත එ සිතුවම
ඇස් පුරා විඳිනතර
බිඳ දමා සිත් දැහැන
සිත්තරා මහ හඬින්
හඬගසන හඬ ඇසිණ
"හෙළිකරමි මෙහි රහස
බලව් මේ දෑත් දෙස
පින්සලය මනාකොට
හසුකර දෙවන කරගැට"
චිත්රයේ ගනකමට
තැවරී තිබෙන දහදිය
දුක් ලැබ බොහෝකොට
නහර ඉල්පුන හදවත
දිස්වෙන නමුදු විනිවිද
වර්ණ රේඛා හැඩතල
සිත්තම අසල දැන්
කිසිවෙක් නොමැත කියවන
සිත්තර දෑත වටකොට
සොයති විස්මිත කරගැට
