නොලද පෙම..

අරුත සැඟවුනු

විරිත වියැකුනු

අකුරු බොඳවුනු

කවකි මියැදුනු

බිඳුනු කවි..

ඇසුනාද?

ඔබට..
ඒ බිඳුනු හඬ..
දෑතින්ම ඔසවා,
පොළවේ  ගැසූ කල..
ඔබ නමට පබැඳුන,
අවසාන,
කවියෙන් නැගුන..

අම්බරුවෝ..

වදින වදින පහරට ගත පිනායා

කමත පුරා තරඟෙට දුව ඇදේයා

ගත වෙර දිය කරන් බැත කඳු සැදේයා

පුරුදු පිදුරු උරුමෙට තලු මැරේයා

නව වසර..

අයෙමත්..
අලුත්ම අලුත්
කැන්වසයක්..
හිත පුරා සායම්ද,
අත දැරූ පින්සල් ද,
ඇති උන්ට

මගෙ හිත...

පොත් පිටු අතර හිරවුනු නෙත් රිදෙනවද

උඳුවප් හීත සියුමැලි ගත            දවනවද

නිදිමත ඇවිත් තනියට       තනි රකිනවද

මගෙ හිත නුඹට ඉඳහිට වත්   දැනෙනවද