ඒත් නොරිකෝ.,

 පොතේ හැටිය ට 

කබුකි , නෝ නැතුවට 

වලේ නළුවක රසින් ඉපිලී 

රිදෙන තුරු තැලුම ට 

අපට අත්පොඩි තිබුනා 

කඩදාසි ලන්තෑරුම් වල 

මද මුදු එලිය නැතුවට 

තුරු වියන අතරින් පෙරී ආ 

ලස්සන ම හඳ රැස් බිංදු 

පොළොන්නරුවට වැටුනා 

පසුබිමෙන් ස්වර වැයෙනා 

අවන් හල් වල කෝපි නැතුවට 

නුවර ටවුමෙ දි තිබහ දැනුන ම 

සීත කෝලා පෙන කැට 

අපේ තොල කට තෙමුවා 

"ඉක්මනින් හොයාගන්න 

ඔයාට ගැලපෙන කෙනෙක්,

පුරුදු වෙයි නැත්තන් 

නරක දේවල් වලට  "

පොතේ නැති දෙබසක් 

ඈ අන්තිමට කිව්වා  

"සකේ" උගුරක ට 

"ගේෂා" ගීයක ට

උඹේ අඩුව පුරවන්න බැරි බව 

මං දැනන් හිටියා 

එත් නොරිකෝ 

ඒ "නරක" දේ වලින් 

පොඩ්ඩකට හරි 

රිදෙන හිත හිරි වැටුනා ..