වසන්තේ කෙලවර

රොබරෝසි ඉපල් අග

අලුතින් ගෙපැල් අටවන

කරව් කරනා මිතුරන්,

බෝ වැඩ අතර වුව

ඇඳ තිබුණි

මල්- මඟ

කිසිත් අඩුවක්  නැතිව

විසිරි වසුරින් හැඩකොට

වසන්තේ කෙලවර

මලක් අතකින් අරගෙන

හෙමි හෙමින්

ඇවිද එනයුරු දැක

දූලි මල

අහු මුලු අමදිමින්
ගෙවා දැමු මුත් බොහෝ දවසක්
රන් සුණු නොලදියෙන්
සුන් ව ගිය සඳ සිහින සහසක්
මැටිකර දහදියෙන්
සොයා ගෙන ආ දූලි අහුරක්
ඉතා සියුමැලි විලසින්
අඹාගත්තෙමි රෝස කුසුමක්

වීනස් දෙවොල මලසුන
පිදුනු රන් මල් කිනිති දහසක්
අතරින් තැබූ කල
මහත් වෙහෙසක කුසුම් ලකුණක්
වහා එදෙසට දිගුවී
නොබිඳි රන් වන් නොබැඳි දෑතක්
වඩාගත් සඳ මල
දැනුණි දිවමන් සුසුම් පහසක්